Kelda: DMI

Solopgang:08:37

|

Solnedgang:16:46

Forsagnir í samstarvi við DMI

Tirsdag den 7. februar 2023

Udsigt, der gælder til onsdag aften, udsendt 16.20 utc.

Hård til stormende kuling fra sydvest og i nat storm, med vindstød af orkanstyrke. mest skyet, men i løbet af aftenen bliver det overskyet med udbredt regn. Onsdag jævn til hård vind fra vest og sydvest, stedvis kuling med vindstød op til stormende kuling. Mest skyet med byger, til dels med slud eller hagl. Temp. hele døgnet mellem 2 og 8 grader.

Lítið ikki altíð á barometrið

Er hann útsynningur, kann barometrið lumpa

Petur Hans Dahl hevði veðurforsagnir fyri alla vikuna hvønn mánamorgun 2017-2021. Hann endaði forsagnirnar við einum veðurtekni.

  1. januar í 2019 las hann hetta veðurteknið, sum hann hevði fingið úr bókini hjá Osmundi Justinussen, Í kjalarvørrinum:

Lítið ikki á barometurstandin, tá ið hann er útsynningur. Tað kann gerast rættiligur stormur, sjálvt um barometrið stendur høgt.

Tað er sagt frá nógvum vindi í kvøld og í nátt av útsynningi. Miðalvindferðin fer at vera stomur og eitt sindur meiri enn tað. Stormur er, tá ið vindferðin er ímillum 20,8 m/s og 24,4 m/s; hvassur stormur er, tá ið miðalvindferðin er millum 24,5 m/s og 28,4 m/s

Eftir hesum gamla vindstiga kunnu vit siga, at miðalvindurin í nátt fer at vera stormur ella hvassur stormur.

Barometrið var og er framvegis eitt hitt týdningarmesta tólið, sum brúkt verður í veðurfrøði – uppfunnið í 1643.

Tey fyrstu nógvu árini varð tað lisið soleiðis, at var høgur barometurstandur, merkti tað góðveður. Lágur barometurstandur merkti illveður. Fólk, sum skuldu út á havið ella til aðra vinnu, lósu barometrið og gjørdu niðurstøðu út frá tí – saman við øðrum veðurteknum, sjálvandi.

Stóð barometrið høgt snimma á morgni, varð bátur drigin úr neysti og flotaður, tí teir væntaðu góðveður allan dagin. Stóð tað lágt, fóru teir ongan veg. Hetta var álítandi, men ikki altíð. Einki veðurtekn einsamalt heldur allatíðina.

Tað er júst hetta veðurteknið í bókini hjá Osmundi Justinussen snýr seg um. Teknið er ein ávaring um ikki at líta á barometrið, tá ið tað er útsynningur.
Barometurstandur í Føroyum í dag er 1009 hPa; á midnátt í kvøld er tað væntandi um 1000 hPa. Hetta er ein sera høgur barometurstandur, tá ið hugsað er um, at tað er stormur! – júst sum veðurteknið bendir á.

Tað sama var seinasta vikuskifti. Barometurstandurin í Føroyum var 1012 hPa, hóast vindurferðin var upp ímóti stormi onkra løtu.

November 2022 - ein heitur mánaði

Nú november fór um sýn, hava fólk spurt, um hann ikki var ein tann heitasti, sum vit vita um. Okkurt er um tað.

Taka vit fyrst hagtølini fyri november mánað, hvussu hann var í tíðarskeiðnum 2010-2021, so hevur miðalhitin ligið ímillum 4,1 stig (í 2017) og 8,2 stig (í 2014). Í fjør var miðalhitin í november 5,8 stig.

Billede1.png

Danska veðurstovan hevur gjørt ymiskar mátingar í Havn síðan 1875. Eisini av hitalagnum. Hyggja vit eftir tølunum fyri miðalhitan fyri november øll 147 árini aftureftir, so var tann kaldasti november mánaði í 1917, tá vóru máld 1,3 stig. Tann heitasti november mánaðin var tann í ár.

Veðurstovan er nú live!

Fyrsta útgávan av heimasíðuni hjá Veðurstovu Føroya er nú tøk á alnótini

Eftir eina menningartilgongd er heimasíðan hjá Veðurstovuni nú tøk. Hetta er vónandi bert fyrsta útgávan av fleiri, men nú er komið somikið langt, at valt var at leggja síðuna út. Síðan er gjørd, so hon eigur at rigga ómakaleyst bæði á teldum og á snildfonum.

Ovast á síðuni er veðrið kring landið víst sum mynda grafikkur, har brúkarin tíma fyri tíma sær veðrið har viðkomandi er staddur, ella fyri tað staðseting sum viðkomandi velur. Undir hesum eru teksforsagnirnar sum Kringvarpið og MRCC lesa upp. Hesar eru enn bert á donskum og enskum, men hetta verður tó skjótt broytt, so føroyskt eisini verður skriva, tá føroyingar eru á vakt. Nógv samstarv er enn við DMI og tá eingin er á vakt í Føroyum, so eru tað DMI, ið skriva tekstforsagnirnar. Sum er, dekka fólk á Veðurstovuni tekstforsagnirnar vanliga arbeiðsviku. So er ein menu, har ymsir møguleikar eru, t.d. “veðurkort”. Modell-forsagnir eru grundaðar á veðurmodellið hjá DMI, men sikta verður eftir eisini at fáa onnur og egin modell á heimasíðuna við tíðini. Sum er eru veðurkortini ikki so skjót at fáast við, men hetta verður betri seinni tá síðan er ment enn meiri. Heimasíðan ger eisini brúk av kunning frá øðrum síðum, so sum síðuni við regnradaranum hjá Atlantic Airways.

Meiri kunning um síðuna er at finna á tíðindastubbanum “Vegleiðing til nýggju heimasíðuna hjá Veðurstovuni.

Vónandi fara føroyingar at taka væl ímóti síðuni. Viðmerkingar og rættingar eru vælkomnar á teldupost adressuni [email protected]

VØRN

Faroese Met Office

Hoyvíksvegur 69, FO-100 Tórshavn
[email protected]