Veðurstovan er nú live!

Fyrsta útgávan av heimasíðuni hjá Veðurstovu Føroya er nú tøk á alnótini

Eftir eina menningartilgongd er heimasíðan hjá Veðurstovuni nú tøk. Hetta er vónandi bert fyrsta útgávan av fleiri, men nú er komið somikið langt, at valt var at leggja síðuna út. Síðan er gjørd, so hon eigur at rigga ómakaleyst bæði á teldum og á snildfonum.

Ovast á síðuni er veðrið kring landið víst sum mynda grafikkur, har brúkarin tíma fyri tíma sær veðrið har viðkomandi er staddur, ella fyri tað staðseting sum viðkomandi velur. Undir hesum eru teksforsagnirnar sum Kringvarpið og MRCC lesa upp. Hesar eru enn bert á donskum og enskum, men hetta verður tó skjótt broytt, so føroyskt eisini verður skriva, tá føroyingar eru á vakt. Nógv samstarv er enn við DMI og tá eingin er á vakt í Føroyum, so eru tað DMI, ið skriva tekstforsagnirnar. Sum er, dekka fólk á Veðurstovuni tekstforsagnirnar vanliga arbeiðsviku. So er ein menu, har ymsir møguleikar eru, t.d. “veðurkort”. Modell-forsagnir eru grundaðar á veðurmodellið hjá DMI, men sikta verður eftir eisini at fáa onnur og egin modell á heimasíðuna við tíðini. Sum er eru veðurkortini ikki so skjót at fáast við, men hetta verður betri seinni tá síðan er ment enn meiri. Heimasíðan ger eisini brúk av kunning frá øðrum síðum, so sum síðuni við regnradaranum hjá Atlantic Airways.

Meiri kunning um síðuna er at finna á tíðindastubbanum “Vegleiðing til nýggju heimasíðuna hjá Veðurstovuni.

Vónandi fara føroyingar at taka væl ímóti síðuni. Viðmerkingar og rættingar eru vælkomnar á teldupost adressuni [email protected]

Veðurballónirnar sendar upp automatiskt

Ein robot-bingja er komin upp á Hoyvíksvegnum við Veðurstøðina, og skal effektivisera arbeiðið hjá Veðurstovuni

Veðurstovan hevur gjørt íløgu í eina sokallaða robot-bingju, ið er farin at senda ballónirnar út automatiskt. Grundgevingin fyri íløguni er effektivisering og sparingar. Seinastu mongu árini hevur prísurin av nýtta helium-gassinum verið støðugt hækkandi, og var nú vorðin so høgur, at okkurt mátti gerast. Við skiftinum til eina automatiska skipan, ber til at brúka vetni (hydrogen) sum er eitt nógv bíligari lyfti-evni. Hetta skifti hevur ikki bori til meðan manuellar ballón-sleppanir hava veri framdar, tí vetni er eldfimt og verandi umstøðurnar og arbeiðsgongdir hava ikki loyvt hesum. Enn er ikki greitt hvussu nýggja loysnin fer at roynast í verki, men vóna verður, at hetta fer at merkja sparingar á millum hálva og heila millión árliga. Fyri fyrst verður vetni keypt heim í fløskum, men ikki er óteinkjandi at vetni í framtíðini verður framleitt á staðnum. Hetta krevur eina íløgu í ein brint-generator og annars bert streym og reint vatn.

Tann loysnin Veðurstovan nú hevur keypt er eitt franskt produkt ið eitur RobotSonde, og verður til dømis eisini brúkt í Grønlandi og í Noreg.

At sleppa ballónini hevur verið ein framíhjárættur, sum bæði børn og vaksin hava havt gleði av at royna. Hesin møguleiki sjálvur at sleppa ballónini, er nú farin í søguna. Í samband við at síðsta planlagda manuella ballónin varð slept av Veðurstøðini, var sjónvarpið á vitjan og gjørdi hetta innslagið

https://kvf.fo/netvarp/sv/2022/09/26/gamla-vedurballonin-i-soguna

VØRN

Faroese Metrological Office

Hoyvíksvegur 69, FO-100 Tórshavn
[email protected]