Mánadagur 2. februar 2026

Forsøgn galdandi til á middegi týsdagin, skrivað klokkan 06.10 UTC.

Frískur vindur upp í strúk av landsynningi, 8 til 13 m/s, samdrigið og ælaveður. Fyrrapartin í morgin gongur hann upp í eystan og minkar vindin niður í frískt lot til frískan vind, 5 til 10 m/s, hálvskýggjað og yvirhøvur turt. Hitin 3 til 8 stig.

Sunnudagur 1. februar 2026, skrivað kl 10:31 UTC.

Eitt hátrýst liggur yvir Skandinavia við miðdeplinum, 1038hPa, yvir Finlandi til út í komandi viku, tá miðdepilin flytir seg í vestan inn yvir Svøríki og grynnist til um 1020 hPa hósdagin. Eitt lágtrýst, 963 hPa, í Atlantshavinum í landsynning úr Kappanum mennist í dag til eitt lágstrýststrog, um 974 hPa, sum frá í kvøld røkkur úr Irmingarhavinum og í landsynning til Biskayavíkina. Mikudagin broytist hettar trogið til eitt lágtrýst, 981 hPa, sum verður liggjandi vestur úr Írlandi vikuna út. Hetta beinir eitt køli og óstøðugt rák av landsynningi og eystan móti Føroyum um vikuskiftið og alla komandi vikuna.

Forsøgn galdandi til mánamorgunin

Frískt lot til frískan vind av landsynningi, 5 til 10 m/s. Skýggjað og regn ella ælaveður. Í støðum við vátakava og møguliga grov æl.Seinnapartin framvegis frískt lot til frískan vind av landsynningi, 5 til 10 m/s, tó í støðum upp í strúk, 13 m/s. Skýggjað ella hálvskýggjað, og ælaveður. Í kvøld og í nátt frískur vindur upp í strúk av landsynningi, 8 til 13 m/s. Skýggjað og okkurt ælið. Hitin millum 2 og 8 stig.

Mánadagin

Frískur vindur upp í hvassan vind av landsynningi, 10 til 15 m/s; út á kvøldið minkar til frískan vind upp í strúk, 8 til 13 m/s. Skýggjað, tó í støðum stundum hálvskýggjað, og ælaveður. Hitin millum frostmarkið og 5 stig.

Týsdagin

Frískur vindur upp í strúk eystan, 8 til 13 m/s. Skýggjað og ælaveður, møguliga við vátakava. Seinnapartin klárnar til hálvskýggjað, og tað verður yvirhøvur turt. Um kvøldið trilkar til frískan vind upp í hvassan vind eystan, 10 til 15 m/s. Skýggjað og ælaveður, møguliga við vátakava. Hitin millum frostmarkið og 5 stig.

Mikudagin

Frískur vindur upp í hvassan vind eystan, 10 til 15 m/s. Skýggjað og ælaveður, í støðum við vátakava. Tó eitt skiftið seinnpartin hálvskýggjað og okkurt ælið. Um kvøldið landsynningur, 10 til 15 m/s. Tað dregur á luftina til skýggjað og tað fer at regna. Hitin millum frostmarkið og 5 stig.

Hósdagin

Frískur vindur upp í hvassan vind av landsynningi, 10 til 15 m/s. Samdrigið og regn ella ælaveður, í støðum við vátakava. Hitin millum frostmarkið og 6 stig.

Fríggjadagin

Frískt lot til frískan vind eystan, 5 til 10 m/s. Skiftandi skýloft og ælaveður. Hitin millum frostmarkið og 6 stig.

Sunnudagur 1. februar 2026

Forsøgn galdandi til mánakvøldið kl 24:00 UTC, skrivað klokkan 21:15 UTC.

Tað er vindávaring fyri Ytribanka, Munkagrunnin, Fugloyarbanka og Íslandsryggin.

Eitt hátrýst við miðdeplið, 1034 hPa, yvir Finland liggur yvir alt Skandinavia. Í Norðuratlantshavinum liggur eitt lágstrýststrog, um 975 hPa, sum røkkur frá Irmingarhavinum og í landsynning til Biskayavíkina. Hesi beina hesi eitt køli og óstøðugt rák av landsynningi og eystan yvir havleiðirnar.

Ytribanki

Landsynningur 8 til 13 m/s. Seinnapartin í morgin og í annaðkvøld landsynningur 11 til 16 m/s. Gott sýni.

Munkagrunnur

Landsynningur 8 til 13 m/s. Í nátt og frameftir landsynningur 11 til 16 m/s. Gott sýni.

Fugloyarbanki

Landsynningur 8 til 13 m/s. Frá í kvøld landsynningur 11 til 16 m/s. Í annaðkvøld landsynningur 8 til 13 m/s Gott sýni.

Íslandsryggur

Landsynningur 8 til 13 m/s. Í annaðkvøld landsynningur 10 til 15 m/s. Gott sýni.