Heystjavndøgur

Hæddin yvir Miðkringin (deklinatión á fakmáli) er 0°00¢00². Um ein løtu er sólin farin suðurum, og hon fer longur og longur suður, líka til 22. desember – stytsta dag.

Hetta til stytsta dag eru 90 dagar. Sólin fer at lækka og lækka hetta tíðarskeiðið, til hon fer standa lágt og tíðliga skína dagin fyri tollaksmessu.

Petur Hans Dahl hevði nakrar hugleiðingar um heystjavndøgur og um javndøgurstormar í sendingini Góðan Morgun Føroyar, mánamorgunin 20. septembur 2021 (tað árið var heystjavndøgur 22. septembur).

Hann segði (her endurgivið orðarætt):

Nú eru dagur og nátt eins til longdar, men sum tíðin líður gongur fram ímóti jólum, styttast dagarnir, meðan næturnar leingjast.

Tey gomlu kallaðu nakað fyri javndøgurstormar. Tað sær út til at okur fáa tann fyrsta longu týsdagin. Annars eru hesir stormar av og á um heystið, av tí at restirnar av tropiskum ódnum frá Caribia viðhvørt enda á okkara leiðum júst hesa árstíð.

Aftur til dagin í dag og veðrið í hesum døgum.

Hyggjandi eftir veðurkortum eina viku fram, so sæst einki til nakran storm á okkara leiðum. Skal sunda mær at leggja afturat, at veðurkort eina heilaviku fram skulu takast við fyrivarni, tí 7 dagar eru long tíð í veðurfrøði.  

Vit fáa at síggja.