Kavaælini og veturin halda á eitt sindur afturat

Veðrið hjá okkum er í hesum døgum stýrt av einum máttmiklum hátrýsti, meiri enn 1040 hPa yvir Grønlandi. Vit liggja eystan fyri miðjuna á hátrýstinum, tað er í teirri køldu síðuni við einum luftráki norðaneftir við kavaælingum.

Tó fer kavi at detta niður yvir Føroyar í ælingum. Hóast tað viðhvørt er eitt sindur longri millum ælini, og sólin sleppur framat, fer hitalagið framvegis at liggja lágt – eisini undir frostmarkinum í fleiri støðum um dagin.

Føroyar í kalda luftrákinum av landnyrðingi norði. Tey sprøklutu skýggini eru vanlig skýggj við ælingum í óstøðugari luft við kava, men lova eisini sólini niðurímillum.

Hægsti og lægsti miðalhiti hvønn mánað (°Celsius)

Vit kunnu fegnast um, at hitin í havinum er so mikið høgur, at hitalagið á landi í Føroyum ógvuliga sjáldan fer niður um 5 stig.

Februar og mars mánaðir eru teir kaldastu. Tann kaldasti, sum er máldur her í Føroyum, var í 1979, tá ið hitin fyri samdøgrið miðal var -0,3 stig. 

Tað kaldasta sum er mált í Føroyum síðan 1953 er -12,3 stig. Tað var 4. mars 2001 á flogvøllinum í Vágum. Tá lógu Føroyar í einum óvanliga køldum luftráki av Norðpólinum.