Týsdagur 15. apríl 2025

Forsøgn galdandi til mikukvøldið, skrivað kl 15:30.

Lot til frískt lot sunnan, 3 til 8 m/s, sól ella sólglottar og ælaveður. Í kvøld lítið lot av útsynningi, minni enn 5 m/s, smáskýggjað og yvirhøvur turt. Í nátt og fyrrapartin mikudagin lítið lot um vestan, minni enn 5 m/s, seinnapartin mikudagin lot til frískt lot norðan, 3 til 8 m/s. Smá- ella hálvskýggjað og yvirhøvur turt. Hitin alt samdøgrið 4 til 9 stig, í nátt niður í 1 stig.

Týsdagur 15. apríl 2025, skrivað kl 10:51 UTC.

Fleiri smærri veik lágtrýst mala tætt við Føroyar. Mikudagin tekur eitt hátrýst seg upp yvir Føroyum og hevur við sær ælaslit. Restina av tíðarskeiðinum væntast áhaldandi lágtrýstøkir tætt við Føroyar. Hetta hevur næstu dagarnar við sær eitt skiftandi rák, stundum við regni og ælaveðri, men eisini løtur við sólglottum.

Forsøgn galdandi til mikumorgunin

Lot til frískt lot sunnan, 3 til 8 m/s, sól ella sólglottar og ælaveður. Í kvøld lítið lot av útsynningi, minni enn 5 m/s, í nátt vestan. Smáskýggjað og yvirhøvur turt. Hitin alt samdøgrið 4 til 9 stig, í nátt niður í 1 stig.

Mikudagin

Lítið lot vestan, minni enn 5 m/s, sum frá líður av ymsum ættum. Sól ella sólglottar yvirhøvur turt. Út á kvøldið veksur hann vindin upp í frískt lot til frískan vind norðan, 5 til 10 m/s, skýggjað og framvegis yvirhøvur turt. Hitin 5 til 9 stig, um náttina niður í 2 stig í støðum.

Hósdagin

Frískur vindur upp í strúk norðan ella av útnyrðingi, 8 til 13 m/s, í støðum hvassur vindur, 15 m/s. Samdrigið og viðhvørt regn ella ælaveður. Út á kvøldið minkar hann vindin niður í frískt lot til frískan vind, 5 til 10 m/s. Hitin 3 til 6 stig.

Fríggjadagin

Frískur vindur upp í strúk av útnyrðingi, 8 til 13 m/s, sum út á kvøldið hækkar upp í norðan, og um náttina eysturum til landnyrðing. Samdrigið og viðhvørt regn ella okkurt ælið, í støðum vátakavi. Hitin 3 til 6 stig.

Leygardagin

Frískt lot upp í strúk av landnyrðingi, 5 til 13 m/s, sum spakuliga lækkar niður í eystan. Samdrigið og okkurt ælið. Hitin 3 til 7 stig.

Sunnudagin

Frískur vindur upp í strúk eystan, 8 til 13 m/s, skýggjað og okkurt ælið. Hitin 5 til 9 stig.

Týsdagur 15. apríl 2025

Forsagnir galdandi til mikukvøldið, skrivaðar kl 14:30 UTC.

Lágtrýstøki, 995 hPa, liggur yvir Føroyum við onkrum æli. Sum frá líður uppstendur eitt lokalt hátrýst, 1005 hPa, í økinum við Føroyar, í støðum kunnu væntast mjørkaflókar.

Ytribanki

Útsynningur, 3 til 8 m/s, mikudagin av ymsum ættum, undir 6 m/s. Gott sýni.

Munkagrunnur

Útsynningur 3 til 8 m/s, í nátt útnyrðingur. Fyrrapartin mikudagin norðan, 5 til 10 m/s, seinnapartin mikudagin 8 til 13 m/s. Gott sýni.

Fugloyarbanki

Av ymsum ættum, 3 til 8 m/s, gott sýni. Í nátt og mikudagin norðan 5 til 10 m/s. Vánaligt sýni í norðara partinum, annars gott sýni.

Íslandsryggur

Av ymsum ættum, undir 10 m/s, mikudagin undir 8 m/s. Gott sýni.